Un novo ano, novos membros

Lovecraft

Iste ano temos novos participantes no clube. Aínda que nos costou moito a posta en marcha, reunímonos de novo todos os mércores  no primeiro recreo para falar do que nos gusta ler e compartir un "tea with biscuits" virtual. Acompáñanos Irene, o que fai a reunión moito máis amena. Gracias pola túa colaboración.

Que é o que len os novos participantes do clube? David e Alejandro son fans do terror e a literatura fantástica. Con eles embarcámonos na literatura de Lovecraft e o seu círculo. Primeiro embarcámonos nos poemas oníricos dos "Mitos de Yugoth", lendo a versión inglesa e comparándoa coa traducción. Pero nos soubo a pouco e propuxémonos investigar un pouco máis, axudándonos da excelente introducción de Rafael Llopis aos "Mitos de Cthulhu" na edición de Alianza Editorial, e limos un par de contos que nos puxeron os pelos de punta. Velaiquí a Cthulhu.
Saudos.

REMATAMOS O CURSO: O VIOLONCHELISTA DE SARAJEVO

Nesta ocasión , Carlos suxírenos un libro máis recente. Aínda que no se pode enmarcar na categoría de "clásico", o tema tratado é dos máis clásicos da literatura de todos os tempos: a guerra.

Vedran Smailovic playing in the destroyed building of the National Library in Sarajevo, 1992. Photo by Mikhail Evstafiev

 
O libro toma como punto de partida o bombardeo da xente que fai cola nunha panadería, e a un violonchelista que decide interpretar o "Adagio" de Albinoni durante 22 días seguidos, un por cada unha das víctimas dese bombardeo, desafiando ás bombas e aos francotiradores.

The Martyrs' Memorial Cemetery Kovači for victims of the war in Stari Grad, by Michael Büker

Enlazando esa historia coa doutros habitantes da sitiada Sarajevo durante a guerra dos Balcáns, somos testemuñas do pesadelo que teñen que vivir as vistimas dunha guerra fratricida que agardamos non volva a repetirse.

O Señor da Moscas/ Lord of the Flies, de William Golding

Clásico libro de lectura nos colexios de secundaria dos países anglosaxóns, esta novela indaga nonos clarescuros da natureza humana. A historia dun grupo de rapaces que quedan illados sen adultos ao seu cargo deixounos un sabor amargo de perda de fe na inocencia da humanidade e fíxonos pensar na posibilidade da maldade innata, só salvada pola actitude e a entrega dos "heroes".

As súas versións cinematográficas non nos resultaron á altura da novela orixinal.

Seguimos con Poe

THE MASQUE OF THE RED DEATH

Ao fío da notoriedade acadada pola epidemia de ébola no medios de comunicación, véusonos á mente o relato de Edgar Alan Poe "A Máscara da Morte Vermella".

Trátase dun relato moi breve, no que se nos conta cómo o príncipe dun país asolado por unha enfermidade fulminante reclúese coa súa corte nun castelo totalmente aillado do exterior. Alí búrlanse da morte que está a avcabar co pobo, mais parece que aínda así nos son quen de agocharse do seu destiño....




Iste relato foi versionado  nunha película de 1964, protagonizada por Vincent Prince, e aparece mencionado e moitos outros medios.